Aktuelt

Det vert ledig leilegheit på Brakanestunet frå 01.02.25, for personar som har behov for ei lettstelt og tilrettelagt bustad. Personar med nedsett funksjonsevne som ikkje kan fungera i eigen bustad grunna upraktiske buløysingar og der det er vanskar med å gi nødvendig hjelp i heimen gjennom ordinære  heimetenester kan sende inn søknad til Ulvik herad v/helse- og velferdstenesta. Søknaden må grunngjevast.

Då er me klare for ein ny runde med UKM for Eidfjord, Ulvik og Voss. Som tidlegare har me UKM for desse tre kommunane på Voss, slik at me får mange innslag å velja mellom. Du kan melda deg på med det uttrykket du sjølv ynskjer. Musikk, dans, drama, og alt anna du måtte finna på. Meld deg på! Påmeldingen stenger mandag 10. februar kl. 23:59  

Frå måndag og utover i veka blir det mildver og regn langs heile vestkysten av landet frå Rogaland til Troms.   Regn på kald bakke og snødekte vegar fører til is, i tillegg er det venta overvatn i lavlandet i område med mykje snø nær vegen. I fjellet er det venta periodar med vind og snø som kan gje utfordrande køyreforhold. Det er sendt ut snøskredvarsler på oransje og raudt nivå i fleire områder, og vegar kan bli stengt av skred og fare for skred.

Lokal forskrift om skulerute i Ulvik herad 2025/2026.   Høyringsutkast for lokal forskrifter i Ulvik herad. Høyringsfrist er sett til 4 . mars  2025.  Høyringsinnspel som kjem etter det vil ikkje verta vurdert. Saka skal til politisk handsaming. Alle høyringsinnspel skal sendast til:  postmottak@ulvik.kommune.no

Melding henta frå varsom.no:  flom- og jordskredvarsel Farevarsel for Hardanger er på  gult nivå

Ulvik folkebibliotek har fått nytt biblioteksystem. Du kan logga deg inn på dine sider på Bibliofil, eller lasta ned appen, for å sjå kva som er inne på biblioteket, reservere bøker og mykje meir.  Ta kontakt med biblioteket dersom du treng nasjonalt lånarnummer eller PIN-kode. Startside - Ulvik folkebibliotek

Frå 24.12 - 06.1 har Ulvik herad hatt problem med digitale sosialhjelpssøknader. Feilen er no retta, og systemet fungerer som det skal. Det er ingenting som tyder på at det ligg ubehandla søknader i systemet. Me oppmodar likevel til å ta kontakt dersom du har levert digital søknad om sosialhjelp i perioden.   Ta kontakt med NAV Ulvik v/Torstein Kvåle Hellesnes på tlf: 40007136

Onsdag 8. januar kl 12:00 blir naudvarsel på mobil og varslingsanlegga til Sivilforsvaret testa over heile landet.

Ulvik herad har fått melding om til dels mykje hjort/hjortespor i vegbana på fylkesveg 572 (Vallavikvegen). Snø i terrenget og salt på vegbane trekker hjorten ut i vegen – obs, obs køyr forsiktig.

Seniortreffet startar opp etter jolafri, torsdag 9. januar. Påmelding til treffet, og evt. tinging av middag innan onsdag 8 innan kl. 15:00.   Påmelding telefon: Omsorgstunet 56527080 evt. kjøkenet 4000 7164   Treffet er kvar torsdag mellom 11:00 - ca. 14:00, det blir servert kaffi og kaffimat som ein betalar for i kantina. Middag blir servert kl. 13:00 i kantina. Påmelding innan onsdagen før.