Program Kølleseminar 8. - 10. mai 2026

Kl. 08.30 og 12:45       

Kølle-søstrene i Holmen – ei utandørs teaterframsyning for skule og barnehage. Premiere på «Eventyr i parken» sitt nyskrive utandørs teater for dei minste 

Kl. 16 .00                  
Vandring i Holmen 
Planar for Holmen Kulturpark

Kl. 20.00                   

“To heimkomne"

Agnes Ravatn og Ruth Lillegraven i forfattarsamtale med Kjersti Mjør - om by og bygd, venskap og uvenskap, skriveglede og skrivesperre. Ulviks eigen Annlaug Børsheim sørger for fagert tonefylgje. Arrangør Haugesenteret.

 Billettar finn du her

Lunsjseminar på Hardanger produksjonsskulen Hjeltnes 

Kl. 10.00 - Prosjektleiar Geir Netland ønskjer velkomen - Opningshelsing

Kl. 10.15  - "Salong i en vestnorsk bygd – Catharine Kølle og Ulviksparliamentet"  v/Anka Ryall, litteraturhistorikar og professor i humanistisk kjønnsforsking

Kl. 10.45 - «Langsamt vegfarande gjennom stader og skrift». v/Magne Drangeid, litteraturvitar UiS

Kl. 11.15 - Kaffipause og beinstrekk

Kl. 11.30 - «Prospektmålaren Catharine Kølle» v/Jorunn Veiteberg, kunsthistorikar 

Kl. 12.00 - Lunsj

Kl. 13.00 - «På vandring etter kunnskap frå Ulvik og ut i verda» v/Kristina Skåden, kulturvitar ved Lillehammer museum

Kl. 13.30 - Kølle-samlingane ved UiB v/Knut Olav Aslaksen og Ola Søndenå

Kl. 14.00 - Erfaringar og formidling av Catharine Kølle v/Mary Ann Menes, utviklar og formidlar ved Norsk Reiselivsmuseum 

Kl. 14.20 - «Catharine Kølle som del av reiseopplevinga i Hardanger» v/Stein Ove Rolland, direktør Fjord Norge

Kl. 14.40 - Kaffipause

Kl. 15.00 - Panelsamtale «Visjon for eit Kølle-senter i Ulvik». 
Samtaleleiar Geir Netland.  Jorunn Veiteberg, Stein Ove Rolland, Mona H. Hellesnes, Kristina Skåden,  Solveig H. Uppheim, Knut Olav Aslaksen 

Kl. 15.30 - Slutt  
 

 Kl. 20.00 - Ei kveldstund med Køllesystrene i Holmen  (Holmen Kulturpark)

• «Kølle og Ulvikfolket» ved Torbjørn Dyrvik, Ulvik sogelag
• «Dei vakre bringklutane frå Holmen i Ulvik» ved Agnete Sivertsen frå Hardanger folkemuseum
• «Kveldstonar med Annlaug» Annlaug Børsheim er musikar og låtskrivar frå Ulvik. Med bakgrunn i norsk folkemusikk har ho utvikla sitt eige uttrykk innan fleire musikalske sjangrar

Kl. 13.00 -15.00               

Sundagssalong hjå Kølle, kafé i Holmen (ope for alle)
«Kunstnaren, vandraren og oppdagaren Catharine Kølle» - ei reise i Catharine si biletverd.

Kl.13.30

Omvising ved kunsthistorikar Jorunn Veiteberg

Anka Ryall (f. 1949) er norsk professor i humanistisk kjønnsforsking og litteraturforskar i engelsk. Sidan 2017 har ho vore professor emerita ved Kvinnforsk – Senter for kvinne- og kjønnsforskning ved UiT – Norges arktiske universitet. Hennar fremste forskingsinteresse er reiselitteratur med vekt på kjønn og det nordlige. Saman med Jorunn Veiteberg skreiv ho i 1991 boka «En kvinnelig oppdagelsesreisende i det unge Norge: Catharine Hermine Kølle».

Magne Ivar Drangeid (f. 1959) er professor i norsk ved Universitetet i Stavanger. Drangeid har doktorgrad frå UiB om humor i Alexander Kiellands roman «Garman og Worse». Han har også forska på økokritisk litteraturvitskap og didaktikk. Drangeid har publisert ei rekkje artiklar og bøker, m.a. «Jordomseilerne: litterære reiser i naturkultur» (2022).

Jorunn Veiteberg (f. 1955) er norsk kunsthistorikar, dr.philos. og forfattar av ei rekkje bøker og artiklar om kunst og kunstnarar. Veiteberg var professor II ved Kunsthøgskulen i Bergen frå 2002–2015 og jobbar no som frilansskribent og frilanskurator. I 1991 gav ho ut boka «En kvinnelig oppdagelsesreisende i det unge Norge: Catharine Hermine Kølle» saman med Anka Ryall.

Kristina Skåden (f. 1965) er førstekonservator NMF ved Lillehammer museum. Skåden er utdanna kulturhistorikar og har doktorgrad i feltet naturens kulturhistorie. Ho har mange års erfaring frå forsking og museumsarbeid som tilsett ved Oslo Bymuseum, Maihaugen og frå  kulturminneforvaltning ved Riksantikvaren, samt undervisning i museologi ved Universitetet i Oslo.

Stein Ove Rolland (f. 1972) er administrerande direktør i Fjord Norge AS. Rolland har lang erfaring frå reiselivsbransjen gjennom stillingar som marknadssjef for Benelux-marknadene, regiondirektør for Sentral Europa i Norges Turistråd, og leiar for strategi og forretningsutvikling i Innovasjon Norge Reiseliv. 

Knut Olav Aslaksen (f. 1955) er tidlegare seniorrådgjevar ved Universitetsmuseet i Bergen, der han har arbeidd som skribent, redaktør og prosjektleiar for den digitale kunnskapsportalen Kringom.no. Saman med kollegaer ved Universitetsbiblioteket i Bergen har han sidan 2016 engasjert seg i å granska og synleggjera det kulturhistorisk arkivmateriale etter Catharine Hermine Kølle.