Føremålet er å klargjera kva planoppgåver kommunen bør starta opp eller vidareføra for å leggja til rette for ei ynskt utvikling. Eit viktig siktemål er å styrka den politiske styringa av kva planoppgåver som skal prioriterast.
Kommunal planstrategi er ikkje ein plan, men ein arena for å drøfta utviklingstrekk i heradet som samfunn og organisasjon.
Heradet skal i arbeidet med kommunal planstrategi innhenta synspunkt frå statlege og regionale organ og nabokommunar. Heradet vil leggja opp til medverknad og allmenn debatt som grunnlag for handsaminga. Me inviterar derfor alle som måtte ha synspunkt kring planstrategien og komme med innspel til arbeidet.
Frist er sett til 31.mai 2024, og eventuelle innspel sendast til post@ulvik.kommune.no merk eposten «Planstrategi»
Forslaget til vedtak i heradsstyret skal kunngjerast og gjerast offentleg kjent, minst 30 dagar før handsaminga i heradsstyret til hausten.