Dagtilbod for personar med demens

Dagtilbod for personar med demens vert gitt ved Ulvik Omsorgstun. Tilbodet gjev deltakarane høve til å delta i sosiale og meiningsfulle aktivitetar, fysisk aktivitet og stimulering i kvardagen. Eit viktig mål er å bidra til å vedlikehalda funksjonsevne, styrkje livskvaliteten og førebygge isolasjon og einsemd. Dagtilbodet fungerer òg som avlasting for pårørande.

Innhald i tenesta

Innhaldet i dagtilbodet blir tilpassa brukargruppa, og kan variere. Felles for tilboda er at dei skal gi struktur og meistring i kvardagen, med fokus på trivsel, sosialt fellesskap og helsefremjande aktivitetar.
Tilbodet kan omfatta:


•Sosialt samvær og felles aktivitetar
•Måltid i fellesskap
•Fysisk aktivitet og kvardagsrehabilitering
•Støtte til å oppretthalde daglege ferdigheiter


Ved ynskje om meir informasjon om dagtilbodet, kan ein ta kontakt med tildelingskontoret som vil setje deg i kontakt med demenskoordinator

Søknad om helse- og omsorgstenester

 

Kven kan få tenesta

Tilbodet er for heimebuande personar med demens.

 

Eigenbetaling

Det vert kravd eigenbetaling for kost (måltid) under opphaldet. Pris vert fastsett etter gjeldande satsar i Ulvik herad, sjå gebyrhefte.

 

Heimel

  • Pasient- og brukarrettslova § 2-1
  • Helse- og omsorgstenestelova § 3-2 nr. 7
  • Tenestestandard for helse- og omsorgstenester i Ulvik herad
Publisert 13.02.2026 09.10
Sist endra 13.02.2026 09.28