Innhald i tenesta
Dagopphald omfattar aktivisering, sosialt fellesskap, måltid og helsefagleg tilsyn gjennom dagen. Tenesta gir struktur og tryggleik for den eldre, og kan også fungere som eit avlastingstilbod for pårørande som er i arbeid eller har eigne omsorgsbehov.
Nattopphald rettar seg mot personar som har særskilde behov for tilsyn eller bistand på natt. Dette kan til dømes vera eldre som bur aleine og har angst, fysiske funksjonsnedsetjingar eller sjukdom som krev nærleik til helsepersonell om natta. Nattopphald kan òg nyttast som avlasting for pårørande som treng kvile for å kunne ivareta omsorga elles i døgnet.
Søknad om helse- og omsorgstenester
Kven kan få tenesta
Dag- og nattopphald kan tildelast eldre som bur heime, og som har behov for omsorg, tilsyn eller fagleg oppfølging delar av døgnet, men som ikkje har behov for eit permanent opphald i institusjon.
Brukar må ha eit hjelpebehov som det er vanskeleg å dekkja i heimen, og må oppfylle eitt eller fleire av følgjande kriterium:
• Behov for omsorg, sjukepleie og/eller legetilsyn i institusjon
• Behov for etterbehandling etter sjukehusopphald
• Behov for observasjon eller vurdering av helsetilstand og funksjonsnivå
• Behov for opptrening for å meistre daglege gjeremål
Dagopphald kan òg tildelast personar som:
• Har behov for sosialt fellesskap og aktivisering
• Har behov for å bryte isolasjon i heimen
• Har funksjonssvikt som gjer at dei ikkje kan nyttiggjere seg tilbod i aktivitetssenter
Nattopphald kan tildelast personar som:
• Har behov for spesiell bistand eller tilsyn om natta
Eigenbetaling
- Kommunen krev eigenandel etter satsane i ‘forskrift om eigenandel for kommunale helse og omsorgstenester’ § 4
- Dag- eller nattopphald som vert tildelt som avlastning til pårørande er gratis
Heimel
- Pasient- og brukarrettslova § 2-1
- Helse- og omsorgstenestelova § 3-1og 3-2 første ledd nr. 6 bokstav c
- Tenestestandard for helse- og omsorgstenester i Ulvik herad