Ulvik herad si koordinerande eining skal syta for godt samarbeid på tvers av fagfelt, og bidra til at brukarar med samansette behov får eit heilskapleg tenestetilbod. Koordinator og individuell plan er viktig i re/habiliteringsarbeidet.
Tilbodet skal vera differensiert og variert, og tilpassast den einskilde sitt behov.
Kven kan få tenesta
Målgruppa for habilitering og rehabilitering er personar som har, eller står i fare for å få, avgrensa fysisk, psykisk, kognitiv eller sosial funksjonsevne.
Pasientar eller brukarar med behov for habilitering har funksjonsnedsettingar som skuldast medfødde eller tidleg erverva tilstandar.
Pasientar eller brukarar med behov for rehabilitering har behov for å gjenvinna tapte funksjonar etter sjukdom, skade, inaktivitet eller rusavhengigheit.
Eigenbetaling
Tenesta er gratis
Heimel
- Helse- og omsorgstenestelova § 3-2 nr.5
- Forskrift om habilitering, rehabilitering og koordinator
- Rehabiliteringsplan for Ulvik herad 2018-2021
For meir informasjon, ta kontakt med Koordinerande eining (KE) - Ulvik herad