Under finn du informasjon om tenestene “avlastningsopphald i institusjon” og “omsorgsstønad”. Tenestene er søknadspliktige, og vert tildelt etter individuell kartlegging og vurdering.
Søknad om helse- og omsorgstenester
Avlastningsopphald i institusjon
Avlastningsopphald i institusjon er eit tilbod til personar med særleg tyngande omsorgsarbeid.
Tenesta skal bidra til at omsorgsgivar får naudsynt ferie og fritid.
Ved avlastning i institusjon, får den pleietrengande opphald ved Ulvik Omsorgstun.
Den pleietrengande vert oppmoda om å ha med seg medisinar og anna naudsynt forbruksmateriell
Kven kan få tenesta?
Omsorgsytarar som er vurdert til å ha eit særleg tyngande omsorgsarbeid – dette kan t.d. vera arbeid på natt/avbrot i søvn, sosial isolasjon, mangel på ferie og fritid m.m.
Avlastning i institusjon vert tildelt som naudsynt pårørandestøtte. Dersom den pleietrengande har vesentleg nytte av opphaldet, vert det tildelt som eit ordinært korttidsopphald.
Dersom den pleietrengande under opphaldet har eller får behov for lege eller fysioterapi, vert opphaldet omgjort til eit korttidsopphald. I slike tilfelle må ein betala eigenandel jfr. forskrift om eigenandel for kommunale helse- og omsorgstenester
Eigenbetaling
Det er ikkje eigenandel for avlastningsopphald
Heimel
- Helse- og omsorgstenestelova § 3-6
- Pasient- og brukarrettslova § 2-8
Omsorgsstønad
Omsorgsstønad kan tildelast som ei delvis økonomisk kompensasjon til privatpersonar som er vurdert til å ha eit særleg tyngande omsorgsarbeid. Dette gjeld omsorgsarbeid som elles ville ha vorte utført av den kommunale helse- og omsorgstenesta.
Dersom omsorgsstønad innvilgast, vil det gjerast ei konkret og individuell vurdering på kor høg kompensasjonen skal vera. Utmålinga vert gjort etter etablerte prinsipp, og eventuell innvilga hjelpestønad frå NAV trekkast frå utmålt kompensasjon.
Omsorgsstønad innvilgast for inntil eitt år av gongen. Det er heradet som etter kartlegging tar stilling til om det skal innvilgast omsorgsstønad, eller om behovet skal dekkast på andre måtar. I vurderinga kan heradet legge ei viss vekt på si eiga økonomiske situasjon. Omsorgsstønad er ikkje meint som kompensasjon time-for-time, og det skal takast omsyn til andre helse- og omsorgstenester den hjelpetrengande mottar. Omsorgsstønad er ikkje ein rett, og det er kommunen etter kartlegging som tar stilling til om det skal innvilgast omsorgsstønad, eller om tenestebehovet skal dekkast på andre måtar.
Kven kan få tenesta?
- Privatperson som utfører særleg tyngande omsorgsarbeid for ein som er hjelpe/pleietrengande
- Kartlegging syner at den hjelpetrengande har behov for helse- og omsorgstenester for å kunne bu i eigen heim
- Den som har hjelpebehovet ynskjer at denne personen skal stå for hjelpa, og det vurderast til at det er det beste båe for omsorgsmottakar- og ytar
- Det må dokumenterast at det er søkt hjelpestønad frå NAV
Heimel og rettskjelder
- Helse- og omsorgstenestelova §§ 3-1 og 3-6
- Pasient- og brukarrettslova §§ 2-1 og 2-8
- I-42/98 - Retningslinjer for omsorgslønn
- Brev frå Helsedirektoratet til landets statsforvaltarar: "Omsorgsstønad - Rettslige rammer og forholdet til forsvarlighetskravet"