Ulvik herad disponerer omsorgsbustader på Brakanestunet, sentralt i Ulvik. Leilegheitene er tilrettelagd og universelt utforma, med alt på ei flate, utan dørstokkar/tersklar. Bustadane har ekstra dørbreidde og er tilrettelagd for rullestolbrukarar.
Det er inntaksnemnda som avgjer søknad om omsorgsbustad.
Bustadane er som utgangspunkt ikkje møblerte.
Kven kan få tenesta?
- Personar med nedsett funksjonsevne som ikkje kan fungera i eigen bustad grunna upraktisk romløysing, trapper, m.m., og der det ikkje er mogleg å gjera naudsynte endringar/justeringar i bustaden
- Personar som grunna isolasjon/angst har vesentleg nedsett livskvalitet og tap av sosialt og fysisk funksjonsnivå
- Andre personar som har eit pleie- og omsorgsbehov som best kan gjevast i omsorgsbustad og for at vedkommande skal kunne leva og bu sjølvstendig lengst mogleg
- Personar med lovleg opphald i Noreg
- I utgangspunktet er tilbodet for personar som har hatt folkeregistrert adresse i Ulvik herad i minst eitt år. Ved heilt spesielle grunnar kan dette kravet fråvikast
Særlege vilkår ved tildeling av omsorgsbustad
- Tildeling av omsorgsbustad gir ikkje automatisk rett til helse- og omsorgstenester som t.d. heimesjukepleie og heimehjelp
- Du kan ikkje behalda omsorgsbustaden dersom du får tildelt langtidsplass i institusjon eller tilbod om Omsorg+
- Dersom du får positivt vedtak om omsorgsbustad, men det ikkje er ledig bustad, vert du sett på venteliste. Ved prioritering vil inntaksnemnda ta ei vurdering på kven som har det mest påtrengande behovet
Eigenbetaling
Tenestemottakar er sjølvstendig leigetakar og skriv kontrakt med huseigar. Tenestemottakar betalar husleige etter vilkår som går fram av leigekontrakt.
Heimel
Omsorgsbustad er ikkje ei lovpålagt teneste, men eit tilbod ein har prioritert i Ulvik herad for at eldre og andre med funksjonsnedsettingar skal kunne bu lengst mogleg i eigen heim
Søknad
Søknad om helse- og omsorgstenester