Innhald i tenesta
Omsorg+ inkluderer reinhald, tryggleiksalarm og alle måltid. Andre vedtakspliktige tenester som t.d. heimesjukepleie, må søkast om. Det vert lagt opp til sosialt fellesskap og aktivitetar. Bueiningane er universelt utforma og tilpassa brukarar med forskjellig grad av fysiske utfordringar. Søknader og tildeling blir handsama av inntaktsnemnda i Ulvik herad jamfør § 8 i forskrift om tildeling av langtidsopphald i sjukeheim eller tilsvarande bustad særskilt tilrettelagt for heildøgns tenester
Kven kan få tenesta?
Personar over 67 år med funksjonssvikt/fysiske utfordringar som:
- Har behov for omfattande pleie- og omsorgstenester, men som ikkje fyller vilkår for langtidsplass ved sjukeheim jamfør forskrift om tildeling av langtidsopphald §6
Det er Inntaksnemnda ved Ulvik omsorgstun som handsamar søknadar om Omsorg+.
Venteliste
Tildeling av Omsorg+‑bustad skjer etter ei samla vurdering av funksjonsnivå og behov til den som søker. For venteliste gjeld reglane i forskrift om tildeling av langtidsopphald §9
Eigenbetaling
Det er eigenbetaling for plass ved omsorg pluss med tilhøyrande tenester. Satsar er fastsett i gebyrheftet til Ulvik herad som vert vedteke årleg.
Heimel
Omsorg + er ikkje ei lovpålagt teneste, men eit lokalt tilbod i Ulvik herad
Søknad
Søknad om helse- og omsorgstenester