Du kan søkja om tenester dersom du har behov for hjelp i kvardagen – det kan vera heimesjukepleie, praktisk bistand, opphald i institusjon eller andre helse- og omsorgstenester.
Slik søkjer du om helse- og velferdstenester
Me ynskjer fortrinnsvis at søknad vert sendt digitalt via "Mitt Aidn". Digital søknad bidrar til tryggare og meir effektiv sakshandsaming.
- Gå inn på Mitt Aidn
- Logg inn med BankID
- Trykk på "Oversikt"
- Trykk på "Send søknad om helse- og omsorgstenester"
- Trykk på "+ Ny søknad"
- Velg Ulvik herad
- Trykk på "fyll ut søknaden"
- Hugs å trykk "send inn" når du har fylt ut søknaden
Du kan senda inn søknad på papir, dersom du ikkje kan eller ynskjer å nytta deg av digital søknad.
Søknadsskjema (PDF, 140 kB)
- Lever søknaden enten på Tenestetorget eller Ulvik omsorgstun
- Ev. sende søknad i posten til:
Ulvik herad
v/Tildelingskontoret
Skeiesvegen 3
5730 Ulvik
Kva må vera med i søknaden?
Søknaden bør innehalde:
- Kva du treng hjelp med
- Korleis kvardagen din er påverka
- Om du samtykkjer til at me kan innhente relevant informasjon frå andre tenester
Merk: Dersom du ikkje samtykkjer til informasjonsutveksling, kan dette påverka kva tenester du får tilbod om.
Det er ikkje naudsynt å søkje om ei konkret teneste – skriv heller om behovet ditt, så vurderer vi kva tenester som kan passa.
Treng du rask hjelp?
Dersom situasjonen din krev rask oppfølging, ta kontakt på telefon. Me gjev og rettleiing dersom du er usikker på kva du kan søkja om eller korleis du skal gå fram.
Kva skjer etter at du har søkt?
- Søknaden vert fortløpande vurdert
- Me innhentar nødvendig informasjon
- Ved behov avtalar me ein samtale eller eit vurderingsbesøk med deg
- Vedtak blir fatta med grunnlag i helse- og omsorgstenestelova
Kartlegginga vert vanlegvis gjort av sakshandsamar og relevant fagperson frå tenesta.
Dersom du allereie får tenester og treng meir hjelp, må du sende inn ein ny søknad om oppauke.
Har du spørsmål kan du ta kontakt med oss på følgande måte:
Kontaktinformasjon:
Telefon: 40 00 71 91 eller 41 86 69 61
E-post: tildeling@ulvik.kommune.no (ver merksam på at sensitive opplysningar ikkje bør sendast på e-post)
Lover og regelverk
Tildelingskontoret forheldt seg til følgande lover og forskrifter:
Lover
- Forvaltningslova
- Helse- og omsorgstenestelova
- Helsepersonellova
- Pasient- og brukarrettslova
Forskrifter og retningslinjer
- Forskrift om habilitering og rehabilitering
- Kvalitetsforskrifta for pleie- og omsorgstenestene
- Verdighetsgarantiforskrifta
- Retten til eiga tru- og livssynsutøving