Slik klagar du
Klaga må vere skriftleg, og innehalda:
- Ei forklaring på kva du klagar på
- Kvifor du meiner vedtaket eller oppfølginga er feil
- Namn, signatur og eventuelt fullmakt dersom du klagar på vegner av nokon andre
Send klaga til:
Ulvik herad v/Tildelingskontoret
Skeiesvegen 3
5730 Ulvik
Du kan også levera klaga på Tenestetorget eller direkte på Ulvik omsorgstun.
Kva skjer med klaga?
- Tildelingskontoret vil saman med tenesteutøver/eininga først gå gjennom klaga og vurdere om det skal gjerast endringar.
- Dersom du får medhald, får du nytt vedtak.
- Dersom vedtaket ikkje vert endra, vert klaga sendt vidare til Statsforvaltaren.
Klagesaka vert då vurdert på nytt og Statsforvaltaren kan velje å stadfesta, oppheva eller endra vedtaket.
Rettleiing og hjelp til å klaga
Du har krav på rettleiing i samband med klaga. Treng du hjelp, kan du ta kontakt med oss – me kan forklara korleis du går fram.
Kontaktinformasjon:
Telefon: 40 00 71 91 eller 41 86 69 61
E-post: tildeling@ulvik.kommune.no (ver merksam på at sensitive opplysningar bør ikkje sendast på e-post)
Du kan og kontakta:
Pasient- og brukarombodet
Pasient- og brukarombodet gir uavhengig rettleiing og hjelp til pasientar, brukarar og pårørande – heilt gratis.
Du kan ta kontakt dersom du:
- er misnøgd med helsehjelpa du har fått
- meiner rettane dine ikkje blir oppfylte
- treng informasjon om rettar, klageordningar eller ønsker råd og rettleiing
Du bestemmer sjølv om du vil vere anonym.
Pasient- og brukarombodet finst i alle fylke. For Vestland (kontor i Bergen), kan du ta kontakt på følgande måte:
- Postadresse: Postboks 212 Skøyen, 0213 Oslo
- Telefon: 40 50 16 00
- Besøksadresse: Zander Kaaes gate 7, 5015 Bergen
- E-post: vestland.bergen@pasientogbrukerombudet.no
(ikkje send sensitive opplysningar på e-post) - Sikker melding: Har du spørsmål som inneheld personsensitiv informasjon, kan du sende oss ei sikker melding via Altinn
Les meir på www.pasientogbrukerombudet.no