Det er testing utanfor omsorgstunet neste veke mandag, onsdag og fredag, kl 11.00. De tingar testing ved å ringja til legekontoret, telefon: 56527040.

Me er no ferdige med massetesting, no er det personar med symptom som skal testa seg, eller personar som har fått melding frå helsepersonell om å testa seg.

Frå måndag er det ope for besøk på omsorgstunet kl. 16 – 19 om dagane, det bør vera 1 – 2 faste personar pr bebuar pr veke. Besøkande nyttar inngang frå terrassen til rommet.

Retningsliner for besøkende ved Ulvik omsorgstun:

• Hugs god hand- og hostehygiene.  Sprites inn og ut av omsorgstunet
• Hald avstand til dei tilsette.
• Får du symptom på luftveisinfeksjon, må du halde deg heime, og du bør ta ein test.
• Skriv opp namnet dykkar når de har vore på besøk (Dette gjer ei eventuell smittesporing enklare)

Det er viktig at me har fokus på å overhalda smitteverntiltak sjølv om me ser at smittetala går ned. Kommuneleiinga og ordførar vil ynskja alle innbyggjarane ei riktig fin helg!

Helsing

Hans Petter Thorbjørnsen

Ordførar Ulvik herad