.

Bli sertifisert - Velkomen til å søkje direkte her.

.

Cittaslowrådet vurderer kvar verksemd ut i frå dei 7 kvalitetskrava:

Energi- og miljøarbeid

• Verksemda har eit medvite forhold til miljø, avfallshandtering og resirkulering etter gjeldande forskrifter.
• Verksemda forureinar ikkje det ytre miljø og følgjer gjeldande forskrifter for utslepp og resirkulering.

Infrastruktur

• Fasadar og bygningar er velhaldne og innbydande
• Skilting og informasjon er tilpassa arkitektur og miljø på staden
• I desember er uteområde, vindauger eller fasadar pynta til jol, og er dekorert høveleg elles i året

Fornying og utvikling

• Verksemda bidreg til utvikling i Ulvik gjennom innovasjon, nyskaping, produktutvikling og tenesteproduksjon
• Verksemda tek del i ei berekraftig utvikling (kulturelt og/eller miljømessig)

Landbruk, reiseliv og handverk

• Produksjon av lokale råvarer som er forankra lokalt gjennom produksjon/dyrking eller oppskrift
• Bruk av lokale og regionale råvarer i matproduksjon og servering
• Tek vare på kulturlandskapet
• Nyttar og fornyar handtverk og lokale tradisjonar

Gjestfridom og vertskap

• God kundesørvis og gjestfridom kjenneteiknar verksemda
• Verksemda er oppteken av å ta godt vare på alle som besøkjer Ulvik, og av å syne fram Ulvik på ein god og rettvis måte

Fellesskap og integrering

• Heile verksemda er godt kjend med og kan formidla kva Cittaslow står for i Ulvik.
• Dei tilsette er godt kjend med historia til verksemda og bygda Ulvik (bygg, personar, stadar, tradisjonar osb.).

Lokalt samarbeid

• De bidreg, samarbeider og tek del i lokale arrangement og hendingar.
• Marknadsføringa skjer på nynorsk og gjerne på fleire språk der det er naturleg.

Cittaslow stiller 72 kvalitetskrav og er inndelt i 7 hovudområde som me baserer vår sertifisering på. Den som søkjer må imøtekoma 4 av desse hovudområda for å verta vurdert som Cittaslow bedrift. 

• Energi- og miljøarbeid.
• Infrastruktur.
• Fornying og utvikling.
• Landbruk, reiseliv og handverk.
• Gjestfridom og vertskap.
• Fellesskap og integrering.
• Lokalt samarbeid

Korleis gagnar det deg?

• De blir med i tevlinga om årets Cittaslow-pris. Prisen vert delt ut på Oktobertorget kvart år.
• De får tildelt eit diplom der det vert skildra kvifor akkurat di verksemd/lag har blitt godkjent.
• De får eit skilt med Cittaslow-logo til å festa på yttervegg eller liknande.
• De blir ein viktig del av arbeidet med å verna om og vidareutvikla «det gode liv» i Ulvik, samstundes som de stør opp om lokal produksjon og vidare utvikling av den flotte bygda vår og alt me har å by på i dag og i framtida.
• De kan ta i bruk ein internasjonal anerkjent logo i all marknadsføring og blir del av eit lokalt,  nasjonalt og internasjonalt Cittaslow nettverk. 

Send oss ein søknad, då vel! Etter søknaden er motteken vil du verta kontakta.