Det er ingen søknadsfrist. Alle søknader vert handsama i ordinære formannskapsmøte, første gong i  møte 21. oktober. Offentlege aktørar kan også søke.

Statlege føringar for ordninga:

Målgruppene er bedrifter, etablerarar og aktørar som legg til rette for og/eller gjev støtte til næringsutvikling. Kommunane kan unntaksvis tildele midlar til eigne tiltak som oppfyller føremålet.

I vurderinga av søknadene skal det leggjast særleg vekt på:

• tiltak som fremjar auka aktivitet, sysselsetting og verdiskaping basert på lokale utfordringar, behov og potensial
• tiltak som motverkar negative verknader av covid-19-utbrotet
• tiltak som kjem raskt i gang

Heradsstyret i Ulvik har gjeve følgjande prioritering av midlane:

• 60% til små og mellomstore verksemder heimehøyrande i Ulvik innan dei næringanesom er prioriterte i heradet sin SNU-PLAN

   

• 30% til små og mellomstore verksemder i andre næringar heimehøyrande i Ulvik, eller prosjekt med regionalt nedslagsfelt i Hardanger og med prosjekteigarar frå minst to kommunar.
   

• 10% til etableringsstøtte for entreprenørar eller nyetablerte føretak heimehøyrande i Ulvik.

Retningslinene for Næringsfondet i Ulvik finn du her: Retningsliner

Søknader skal sendast gjennom www.regionalforvaltning.no.

Det kan berre søkjast om tilskot til tiltak som ikkje er starta opp. Samla tilskot skal som hovudregel ikkje overstige 50 prosent av kapitalbehovet i prosjektet, og det skal aldri overstige 75 prosent.

Gjeldande satsar i EØS-reglane for bagatellmessig støtte/gruppeunntaket skal følgjast, som mellom anna inneber at maksimal støttesats til fysiske investeringar i mindre verksemder er 35%. Tilskot skal utbetalast etterskotsvis, men delutbetalingar er mogleg.

Ta gjerne kontakt med heradet v/Anne Marit Lekve, tlf 40 00 71 60 eller e-post anne.marit.lekve@ulvik.kommune.no, for orientering om ordninga og eventuell hjelp i søknadsprosessen.