12.02.2021, KL. 10.00: NYE SMITTETAL

Coronavirus - Klikk for stort bilete Det er kome inn 11 nye positive prøvesvar på Covid19 i dag, dette inkluderer prøvesvar til og med 10.02.2021, alle har kjend smitteveg. Då er det totalt 123 personar som er smitta med Covid 19 i Ulvik.

Alle som tidlegare har testa negativt og som har ein eller fleire med smitte i familien, må ta ny test i løpet av denne veka. Det blir prøvetaking i Fleirbrukshallen på fylgjande tidspunkt:

Fredag: Kl. 12 – 14 (Helsepersonell kl 14 – 15)

Du treng ikkje ringja legekontoret for å avtale testtidspunkt, berre møt opp i aktuelt tidsrom.

Me vil minna om at det er viktig å bruka munnbind og at me brukar det rett. Når du skal bruka munnbind, er fylgjande viktig:

  1. Reingjer hendene før du tek på munnbind.
  2. Pass på at munnbindet sit tett inntil ansiktet og godt over nasa.
  3. Klem munnbindet på kvar side av naseryggen og dra det godt ned under haka.
  4. Munnbindet skal alltid ha den farga sida ut.
  5. Ikkje ha det nedanfor nasa eller på haka. Ikkje flytt det opp og ned. 
  6. Briller skal vera over munnbindet.
  7. Bruk munnbindet berre ein gong.

 

For meir informasjon om rett munnbindbruk, sjå:

https://www.helsenorge.no/koronavirus/munnbind/

 

Information in english  (PDF, 300 kB)

Information in arabic  (PDF, 309 kB)

 

 

Helsing

 

Hans Petter Thorbjørnsen

Ordførar Ulvik herad

Sist endra 17.02.2021