09.02.2021, KL. 19.00: NYE SMITTETAL OG INFORMASJON OM KARANTENE

Coronavirus - Klikk for stort bilete

Det er kome inn 4 nye positive prøvesvar på Covid19 i dag, og dermed er det 100 personar som er smitta med Covid 19 i Ulvik, dette inkluderer prøvesvar til og med 08.02.2021.

Alle som tidlegare har testa negativt og som har ein eller fleire med smitte i familien, må ta ny test i løpet av denne veka. . Det blir prøvetaking i Fleirbrukshallen på fylgjande tidspunkt:

Onsdag:          Kl. 12 – 16

Torsdag:         Kl. 12 – 16

Fredag:           Kl. 12 – 15 (Helsepersonell kl 15 – 16)

 

Du treng ikkje ringja legekontoret for å avtale testtidspunkt, berre møt opp i aktuelt tidsrom.

Det nærmar seg slutten på karantenetida for mange.

Dei som vart sette i karantene 29/1, kan avslutta karantenen og gå ut i samfunnet igjen laurdag 13/2. Vilkåra er at dei har teke 2 negative testar og at ingen i husstanden har testa positivt i mellomtida.

Det er fleire familiar der familiemedlemar har blitt smitta etter kvart, så desse må nok halda ut litt lenger i isolasjon og karantene. Helsetenesta vil ta individuell kontakt med dei familiane dette gjeld i løpet av denne veka.

Til alle ute i det offentlege rom: Ta godt imot sambygdingar som har vore sjuke.

Hugs smittevernreglar: Bruk munnbind, hald avstand, vask og sprit hender!

 

Helsing

Hans Petter Thorbjørnsen

Ordførar Ulvik herad

 

Information in arabic  (PDF, 218 kB)

Information in english  (PDF, 116 kB)

Sist endra 10.02.2021