Barnehagen

Barnehagen ligg på Lekve, ca 2 km frå sentrum Me har eit stort, flott og spennande uteområde og eit nærmiljø/turområde som me nyttar aktivt heile året. I tillegg disponerar me eit rom i nabobygget til fysisk fostring.

Kommunen sin visjon, ”FULL AV LYST”, gjeld også for barnehagen, der hovudmålet er: ”ein plass der alle trives”. Målet gjeld for barn og vaksne og skal nås gjennom fylgjande delmål: Den enkelte skal bli sett og høyrt, få utfordringar og oppleve meistring. Dei skal kjenne tryggleik, respekt og likeverd, oppleve glede og humor og vera med på å bestemma/påverka eigen kvardag.

Barnehagen har eit godt arbeidsmiljø og ein personalgruppe som er godt oppdatert i høve til den tida me lever i. Barnehagen har 13 årsverk fordelt på 15 tilsette og er delt inn i 4 avdelingar, to av dei er for aldersgruppa ½ - 3år.

Ulvik barnehage vart i slutten av 2008 tildelt Grønt Flagg. Det er eit miljøflagg me er tildelt for prosjektet "Kjeldesortering". Prosjektet har stilt ein del krav, mellom anna at me må ha ein handlingsplan som syner korleis me vil jobbe og ein rapport i etterkant som dokumenterer det me har gjort. Me må ha planen godkjent i samarbeidsutvalet og opprette eit eige miljøutval på arbeidsplassen for å sikre at prosjektet går sin gang. For å få Grønt Flagg må ordførar attestere i forkant, noko som skal sikre at også den øvste leiinga er med på den grøne tankegangen.

Ulvik heradstyre gjorde fylgjande vedtak i sak om full barnehagedekking den 05.09.2007 :

1. Ulvik herad skal ha full barnehagedekking heile året. Det betyr at alle som søkjar skal få det tilbodet dei har behov for.
2. Barnetalet ved hovudoppdtak vert sett til 16 plassar pr. avdeling og kan aukast til maksimum 18 plassar i løpet av barnehageåret.

Ulvik Barnehage har 3 ledige plassar pr. 01.03.2008